काठमाडौं, २१ असार । चर्चित रकगायक रबिन तामाङको पोस्टमार्टमको प्रारम्भिक रिपोर्टमा मुटुमा समस्या देखिएको छ । सोही कारण उनको निधन भएको हुनसक्ने बताइएको छ ।
त्रिवि शिक्षण अस्पताल महाराजगन्जले रबिनको निधनको मुख्य कारण भने एकिन नभइसकेको जनाएको छ ।
रगत र भिसेरा परीक्षणका लागि प्रयोगशालामा पठाइएको र रिपोर्टको परीक्षणपश्चात मृत्युको कारण पत्ता लाग्नेछ ।
रबिनको परिवारले शव बुझिसकेको छ । मंगलबार राति आफ्नै निवास बुढानिलकण्ठमा मृत अवस्थामा भेटिएका थिए । उनको अन्त्येष्टिको मिति बारे केही बताइएको छैन् ।