चितवन, १८ असार । पटकपटक बन्द हुँदै आइतबार साँझ खुलेको मुग्लिन–नारायणगढ सडकखण्ड फेरि बन्द भएको छ । आज बिहान करिब २ बजेतिर तीन नम्बर पुल नजिक फेरि पहिरो खसेपछि सडक बन्द भएको प्रहरीले जनाएको छ ।
त्यतिमात्र होइन पहिरो झरेकै स्थानमा एउटा मालबाहक ट्रक पनि पल्टिएको छ । यात्रुहरु अलपत्र परेका छन् । प्रहरीको अनुसार ट्रक चालक सामान्य घाइते भएको र उनको मुग्लिनमा उपचार भइरहेको छ ।
पहिरो पन्छाएर एकतर्फी सडक खुलाउने प्रयास भइरहेको पनि दुई तर्फी सडक खुलाउनका लागि ट्रक हटाउनुपर्ने हुन्छ । ट्रक उठाउने क्रेनलाई बोलाइएको छ ।
यसअघि शनिबार राति साढे ११ बजेदेखि बन्द भएको सडक आइतबार बेलुका ६ मात्रै खुलेको थियो ।
File photo
