काठमाडौं, १७ असार । आज (आइतबार) श्री एयरलाइन्सले सबै उडान स्थगित गर्ने भएको छ । शनिबार काठमाडौं–धनगढी उडान नम्बर २२५ को जहाजमा केही प्राविधिक समस्याले फर्किएपछि श्रीलाई नागरिक उड्डयन प्राधिकरणले उडान स्थगित गरेको हो ।
सबै जहाजको चेकजाँच गरेपछि मात्रै उडान गर्न निर्देशन दिएको छ । यससँगै एयरलाइन्सले आइतबार सबै जहाज ग्राउन्डेड गरिएको हो । सोमबारसम्म सबै प्राविधिक जाँच गरेपछि नियमित उडान हुने एयरलाइन्सले जनाएको छ ।
शनिबार काठमाडौंबाट धनगढीतर्फ उडान भरेको जहाजमा प्राविधिक समस्या आएपछि पुनः काठमाडौं फर्किएको थियो ।
