काठमाडौं, ८ असार । गोरखाको चिलिङकोटमा गएराति गाडी दुर्घटना हुँदा घटनास्थलमै ५ जनाको मृत्यु भएको छ । सहिद लखन गाउँपालिका ५ स्थित चिलिङकोटमा बिहेको टिकोटालो गरेर फर्किने क्रममा केटा पक्षको गाडी दुर्घटनामा परेको प्रहरीले जनाएको छ ।
दुर्घटनामा परी १२ जना घाइते भएका छन् । घाइतेहरुलाई आबुखैरेनी अस्पताल पुराइएको छ । गाडीमा करिब २० जना सवार थिए । राति १ बजे गाडी दुर्घटनामा परेको र खोज तथा उद्धार कार्य जारी रहेको प्रहरीले जनाएको छ । प्रदेश नंं.३ को ०१–०२३ च २४२७ नम्बरको टाटा जिप दुर्घटना भएको हो । मृतकको पहिचान हुन बाँकी छ ।
