काठमाडौं । आईसीसी एकदिवसीय विश्वकप छनोट अन्तर्गतको आफ्नो दोस्रो खेलमा नेपालले भोली अमेरिकासँग खेल्दैछ ।
खेल टाकासिंगा स्पोर्टस् क्लबमा नेपाली समय अनुसार दिउँसो पौने १ बाट सुरु हुनेछ
हालसम्म नेपाल र अमेरिकाबीचमा ६ ओडिआई खेलमा भेट भएको छ । ६ भेटमा नेपाल ३ पटक विजेता हुँदा अमेरिकाले २ पटक जितेको छ । दुईबीचको एक खेल भने टाई भएको छ । यसरी हेर्दा अमेरिकामाथि नेपाल हाबी देखिन्छ ।
नेपालले पहिलो खेलमा जिम्बाबेसँग खेलेको थियो । खराब बलिङका कारण नेपालले पहिलो खेलमै ८ विकेटको हार ब्यहोरेको थियो । मंगलबार भने नेपाल जित निकाल्ने लक्ष्यका साथ मैदानमा उत्रिनेछ ।
