काठमाडौं, १७ जेठ । कोशी प्रदेशमा नेकपा एमालेका हिक्मतकुमार कार्की नेतृत्वको सरकार धरापमा परेको छ । जनता समाजवादी पार्टीले सरकारलाई दिइआएको समर्थन फिर्ता लिएसँगै सरकार धरापमा परेको हो ।
जसपा ब्याक भएपछि मुख्यमन्त्री हिक्मत कार्कीले ३० दिनभित्र विश्वासको मत लिनुपर्नेछ । देशको केन्द्र देखि ७ प्रदेशमध्ये कोशीमा मात्र एमाले नेतृत्वको सरकार छ । यो पनि धरापमा परेको छ ।
जसपाकी सांसद निर्मला लिम्बू स्वास्थ्यमन्त्री थिइन् । उनी फिर्ता भएकी छिन् ।
कोशी प्रदेशसभामा एमालेका ४०, काँग्रेसका २९, माओवादीका १३, राप्रपाका ६, नेकपा एसका ४ र जसपाका १ सांसद छन् ।
९३ सदस्यीय प्रदेशसभामा बहुमतका लागि ४७ सांसद अवश्यक पर्छ । एमाले र राप्रपा मिल्दा ४६ मात्र पुग्छ । यसकारण एकमात्र सांसद जसपाकी लिम्बू निर्णायक बनेकी छिन् ।
