काठमाडौँ, १६ जेठ । काठमाडौं जिल्ला अदालतमा नक्कली भुटानी शरणार्थी प्रकरणमा तीन आरोपितको बयान जारी छ ।
आरोपितहरु सन्देश शर्मा, इन्द्रजित राई र नरेन्द्र केसीको बयान लिन सुरु भएको स्रोतले जनाएको छ ।
न्यायाधीश प्रेमप्रसाद न्यौपानेको इजलासमा उनीहरुको बयान लिन सुरु गरिएको छ ।
केशवप्रसाद दुलाल, सागर राई, सन्दीप रायमाझी, लक्ष्मी महर्जन र टंककुमार गुरुङको बयान लिइ सकिएको छ ।
सो शरणार्थी प्रकरणमा जेठ १२ गतेदेखि काठमाडौं जिल्ला अदालतमा आरोपितहरुको बयान लिन थालिएको हो ।
३२ जना प्रतिवादी रहेको यो प्रकरणमा १७ जना पक्राउ परेका छन् भने अझै १३ जना फरार छन् ।
