काठमाडौं, ११ जेठ । रुकुम पश्चिम सानीभेरीमा जीप दुघर्टना हुँदा ४ जनाको मृत्यु भएको छ ।
सानीभेरी गाउँपालिका ५ मेलचौरबाट मुसिकोट जादै गरेको लु १ ज १७४७ नम्बरको जीप वाफिकोट गाउँपालिका वडा नं ८ को मोतिखोलामा दुर्घटना परेको थियो ।
सडकबाट झन्डै ४०० मिटर तल खस्दा घटना स्थलमै ४ जनाको मृत्यू भएको युवा नेता तारक केसीले बताए । जीपमा १४ जना यात्रुहरु यात्रा गरिरहेका थिए ।
दुर्घटनामा परेर १० जना घाईते भएका छन् । उनीहरुलाई उद्धार गरेर उपचारको पठाईएको प्रहरीले जनाएको छ । दुर्घटनाको पुरा विवरण आउन बाँकि छ ।
सानिभेरी गाउँपालिका३ का नवराज पुनका अनुसार दुर्घटनामा परेर सानीभेरी गाउँपालिका ५ का देउचन खत्री, सोहि वडाका कर्ण बहादुर बाँठा, बाँफिकोट गाउँपालिका ८ की रेखा खत्री र उहाँको छोराको घटनास्थलमै मृत्यु भएको छ ।
तस्बिर : तारक केसी
