काठमाडौं, ९ जेठ । नेपालका आरोही कामिरिता शेर्पाले विश्वको अग्लो शिखर सगरमाथाको सफल आरोहरण गरेर विश्व किर्तिमान बनाएका छन् । उनी मंगलवार विहान सगरमाथाको शिखर पुगेका छन् ।
कामिरिताले पटक पटक विश्व किर्तिमान बनाइसकेका छन् । उनलाई पासाङ दावा शेर्पाले पछ्याइरहेका छन् । पासाङले गत हप्ता कामिरिताको किर्तिमानको बराबरी गरेका थिए ।
गत बुधवार कामिरिताले फेरि किर्तिमान तोडेपछि पासाङले सोमवार बराबरी गरे । मंगलवार भने कामिरिता फेरि चुचुरोमा पुगे ।
यो सिजनमै कामिरिता दोस्रोपटक एभरेष्ट पगेर चुचुरोमा पुग्ने किर्तिमानलाई रोचक बनाएका छन् ।
२०८० को वसन्त ऋतुमा अहिलेसम्मकै सर्वाधिक ४७८ आरोहीले एभरेष्ट चढ्ने अनुमति पाएका छन् ।
