रुपन्देही । पूर्वराजा ज्ञानेन्द्र शाहले राष्ट्रको पुरानो गौरब फर्काउनका लागि कम्मर कसेर लाग्न आह्वान गरेका छन् ।
बुधबार नेपालगञ्जमा आयोजित अभिनन्दन कार्यक्रममा सम्बोधन गर्दै शाहले राष्ट्रको पुरानो गौरब फर्काउनका लागि आफ्नै पाखुराको बलमा अघि बढ्न कम्मर कस्न आह्वान गरेका हुन् । ‘यसको निम्ति के पुरुष, के महिला, के आजकाजाँगरिलो युवा, के अनुभवि बुढाबुढी सबै अब जुट्नु पर्दछ,’उनले भने ।
उनले कतिपय नीति पद्धति देश र जनताका निम्ति हुनुपर्ने भएपनि राजनीति तथा हाम्रो राज्यव्यवस्था नेताद्धारा नेताका निम्ति दलद्वारा दलका निम्ति भइरहेको आरोप लगाए ।
उनले आफ्नो नारा जहिले पनि देश बनाउँ देशवासीको अवस्था सुधारौं, व्यवस्था र पद्धति बसालौं, जनतालाई शान्ति, सुख समृद्धि दिउँ भन्ने रहेको उल्लेख गरे ।
