काठमाडौं । नेपाली राष्ट्रिय क्रिकेट टोलीका पूर्व कप्तान सन्दीप लामिछानेले साथ र मायाको लागि नेपाली क्रिकेट प्रेमीहरुलाई धन्यवाद दिएका छन् ।
मंगलवार कीर्तिपुरस्थित त्रिभुवन विश्व विद्यालयको मैदानमा सम्पन्न फाइनल खेलमा संयुक्त अरब इमिरेट्सबिरुद्धको खेलमा ७ विकेटको जित निकाल्दै एशियाकपमा स्थान बनाएसँगै लामिछानेले धन्यवाद दिएका हुन् ।
उनले आज क्रिकेटको यात्रामा धेरै सपनाहरु मध्य एउटा सपना पुरा भएको महसुस भएको पनि उल्लेख गरेका छन् । सँगै उनले भावुक हुँदै भनेका छन्– यो जिन्दगीले कहाँ लैजानेछ थाहाँ छैन् । तर, यो साथ र मायाको लागि हृदयदेखि धन्यवाद ।
प्रतियोगिताको सिरिजका उत्कृष्ट खेलाडी बनेका सन्दीप लामिछानेले खेलपछि नेपाली टोली यहाँसम्म आइपुग्न खेलाडीको अथक मेहनत र प्रशिक्षकको भुमिका निकै महत्वपूर्ण रहेको प्रतिक्रिया दिएका थिए ।
