एजेन्सी, ४ वैशाख । भारतका गुण्डा नाइके सुन्दर भाटीविरुद्ध ६२ फौजदारी मुद्दा दर्ता छन् । उनलाई हालै हरेन्द्र प्रधान हत्या प्रकरणमा गौतमबुद्धनगर जिल्ला अदालतले जन्मकैदको सजाय सुनाएको थियो । त्यसयता उनी जेलमै छन् । सुन्दर अहिले सोनभद्र जिल्ला कारागारमा छन् ।
ग्रेटर नोएडाको घन्घोला गाउँका बासिन्दा, दिल्ली–एनसीआर र पश्चिमी उत्तर प्रदेशका लागि आतंकको पर्यायवाची कुख्यात सुन्दर भाटीको ३० वर्षको साम्राज्य राजनीतिक गलियारेहरूमा उनको राम्रो प्रवेशका कारण बलियो थियो ।
जेलमा रहेका बेला खेलकुद प्रतियोगितामा अन्तर्राष्ट्रिय क्रिकेटरसँग पुरस्कार बाँड्ने चलन थियो । जनवरी २०१५ मा, गौतम बुद्ध नगर जिल्ला कारागार भित्रबाट उनको तस्बिर भाइरल भयो, जुन जेल अधिकारीले पठाएका थिए ।
प्रयागराजमा माफिया अतिक अहमद र उनका भाइ अशरफलाई शनिबार साँझ प्रहरी हिरासतमा गोली हानी मारिएको थियो। अहिले अतिक–अशरफ हत्यामा सुन्दर भाटीको नाम चर्चामा आएको छ । सुन्दर भाटीको निर्देशनमा जिगाना पेस्तोल अतिक–अशरफका हत्यारालाई सुम्पिएको बताइएको छ । पाकिस्तान हुँदै भारत आएको जिगाना पेस्तोल आतिक र उनका भाइ असरफको हत्यामा प्रयोग भएको थियो ।
हत्यामा संलग्न तीनमध्ये एक रोहित उर्फ सन्नी हमीरपुर निवासी हुन् । उनीविरुद्ध कुरैरा प्रहरी चौकीमा १४ वटा मुद्दा दर्ता छन् । उनी सन् २०१९ मा सुन्दर भाटीसँगै हमीरपुर जेलमा थुनिएका थिए । त्यसयता उनी सुन्दर भाटीसँग सम्पर्कमा थिए । पश्चिमी उत्तर प्रदेशका कुख्यात सुन्दर भाटीको आदेशमा अतिक अहमदका हत्यारासम्म जिगाना पेस्तोल पुगेको स्रोतले दाबी गरेको छ ।
जिगाना एक आधुनिक हतियार हो, जुन विदेशी सेनामा प्रयोग गरिन्छ । पञ्जाबमा गायक सिद्धु मुसेवालाको हत्यामा पनि जिगाना पेस्तोल प्रयोग भएको थियो । तर, सुन्दर भाटीको अतिकसँग शत्रुता थियो भन्ने खुल्न सकेको छैन ।
सुन्दर भाटीविरुद्ध पनि ६२ फौजदारी मुद्दा दर्ता छन् । उनलाई हालै हरेन्द्र प्रधान हत्या प्रकरणमा गौतमबुद्धनगर जिल्ला अदालतले जन्मकैदको सजाय सुनाएको थियो । त्यसयता उनी जेलमै छन् । सुन्दर अहिले सोनभद्र जिल्ला कारागारमा छन् । हाल घटनास्थलबाट बरामद जिगाना पेस्तोलले पाकिस्तान हुँदै पञ्जाब र त्यसपछि प्रयागराज अभियुक्तसम्म पु¥याइएको देखाएको छ । केही दिनअघि अतिक हत्याका अभियुक्तले पनि सुन्दरसँग कारागारमा भेट गरेको स्रोतले दाबी गरेको छ ।
पञ्जाबका कुख्यात जग्गु भगवानपुरियाको नाम पनि जिगाना पेस्तोल आपूर्तिमा यसअघि पनि बाहिर आएको थियो । अनुसन्धान एजेन्सीले अभियुक्त जग्गुसँग सम्पर्कमा थिए वा थिएनन् भनेर उनको कुंडली पनि जाँच गरिरहेको छ । टर्कीमा बनेको जिगाना पेस्तोलको मूल्य पाँचदेखि ७ लाख रुपैयाँसम्म पर्छ । मलेसिया लगायत धेरै देशमा सेनाले प्रयोग गर्ने गरेको, सर्वसाधारणलाई बिक्री वितरणमा प्रतिबन्ध लगाइएको छ । यो पेस्तोल भारतमा पनि पूर्ण रुपमा प्रतिबन्धित छ ।
अपराधको दुनियाँमा आउनुअघि उनले बुलन्दशहरमा यातायातको ठेक्का लिएका थिए । त्यसपछि नेताहरुको सम्पर्कमा आएर राजनीतिक हत्या गर्न थाले । सुन्दर पनि राजनीतिमा आउन चाहन्थे तर यसैबीच नरेश भाटी जिल्ला पञ्चायतको अध्यक्ष बने । सुन्दर र नरेश पहिलो साथी थिए। पछि सुन्दरले अध्यक्ष नरेश भाटीको हत्या गरेका थिए । त्यसपछि सुन्दरले पछाडि फर्केर हेरेनन् । हत्यापछि हत्या गरिरहे । उनलाई कुनै पनि हालतमा सजाय भएन । उनलाई पहिलो पटक जन्मकैदको सजाय सुनाइएको हो ।
सुन्दर भाटी गिरोहका सदस्यहरूको काम फिरौती उठाउने, सुपारी लिएर हत्या गर्ने, स्क्र्यापको ठेक्का लिने, बार चोरी गर्ने थियो। सुन्दर भाटी गिरोहका कार्यकर्ताले पूर्वाञ्चलमा धेरै हत्या गरेको आरोप छ । भारतीय समाचार एजेन्सी जागरणबाट
