धनगढी । उपचारका लागि अस्पताल पुगेका एक वृद्धको पेटमा रक्सीको बोतल भेटिएको छ ।
धनगढीस्थित सेती प्रादेशिक अस्पतालमा उपचारका लागि पुगेका एक वृद्धको पेटमा रक्सीको बोतल भेटिएको हो । पेट दुखेपछि उनी उपचारका लागि अस्पताल पुगेका थिए ।
चिकित्सकले उनलाई एक्सरे गर्ने सल्लाह दिएका थिए । धनगढी उपमहानरपालिका– १४, फूलबारीका ६१ वर्षीय जमनसिंह रोक्कामगरको पेटमा खाली सिसी रहेको एक्सरेमा देखिएको हो ।
बिरामीको पेटभित्र भोड्का रक्सीको एक क्वार्टरको खाली सिसी भेटिएको अस्पतालले जनाएको छ । घटनाबारे अनुसन्धान भइरहेको जनाइएको छ ।
