काठमाडौं । राष्ट्रिय स्वतन्त्र पार्टीका सभापति रवि लामिछानेले आफु षड्यन्त्र सँग नडराउने बताउनुभएको छ ।
उपनिर्वाचन केन्द्रीत एक कार्यक्रमलाई सम्बोधन गर्दै लामिछानेले आफुमाथि बिभिन्न षड्यन्त्रहरु भइरहेको भन्दै त्यस्ता षड्यन्त्रसँग लडेर अघि बढ्ने बताउनुभएको हो । उहाँले पाँच वर्ष पछि हुने निर्वाचनमा वडा अध्यक्ष देखि सांसदसम्म पढेलेखेका युवाहरु पुर्याउने दाबी समेत गर्नुभयो ।
रास्वपा भ्रष्ट्रहरुको नाङ्गो नाचलाई रोक्न सशक्त रुपमा लागेको उहाँको भनाई छ । साथै, उहाँले भने– यस वर्षको वैशाखमा हाम्रो घरको भित्तामा क्यालेन्डर मात्र होइन् देशको मुहारपनि फेरिन्छ ।
लामिछानेले कुनैपनि पार्टीका असल नेतालाई रास्वपामा स्वागत गर्न तयार रहेको समेत बताउनुभयो । हामी कुनैपनि वादको प्रबाह नगरि अपवाद बनेर यो देशको रक्षा गर्ने छौं– उहाँले भन्नुभयो ।
