काठमाडौं, १२ चैत्र । आज राष्ट्रपति रामचन्द्र पौडेल गोरखा जाने भएका छन् । गोरखा दरबारभित्र रहेको गोरखकाली मन्दिरमा पूजा गर्ने र पृथ्वीनारायण शाहको शालिकमा माल्यार्पण गर्ने राष्ट्रपतिको कार्यक्रम रहेको छ ।
राष्ट्रपति पौडल आज नेपाली सेनाको हेलिकप्टरबाट साढे ९ बजे गोरखा जाने शीतलनिवास स्रोतले जनाएको छ ।
राष्ट्रपति भएपछिको उनको यो पहिलो काठमाडौं बाहिरको भ्रमण हो । राष्ट्रपतिको भ्रमण भएपनि गोरखाको सुरक्षा व्यवस्था भने सामान्य पारिएको जिल्ला प्रशासन कार्यालय गोरखाले जनाएको छ ।
