काठमाडौं, २ चैत्र । बुधबार बसेको १० दलीय गठबन्धनको बैठक बिना निस्कर्ष टुंगिएपछि आज फेरी बस्दैछ । प्रधानमन्त्रीको सरकारी निवास बालुवाटारमा बस्ने १० दलीय गठबन्धनको बैठकमा उपराष्ट्रपति निर्वाचनको बारेमा छलफल हुनेछ ।
बुधबार १० दलका बीचमा सकारात्मक रुपमा बैठक सकिएको र बिहीवार बसेर थप निर्णय गर्ने नेकपा माओवादीका नेता शक्ति बस्नेतले बताए ।
नेता बस्नेतले सरकार बिस्तार लगायतका विषयमा पनि बैठकमा छलफल शुरु भएको बताउनु भयो । सत्ता गठबन्धनबाट उपराष्ट्रपतिमा दुई उम्मेदवार चुनावी मैदानमा छन् उनीहरु मध्ये एकजनालाई साझा उम्मेदवार बनाउन गठबन्धनभित्र आजको बैठकमा छलफल हुने जनाइएको छ ।