गुल्मी, १४ पुस । एमालेका सचिव एवं गुल्मी क्षेत्र नं २ का प्रतिनिधिसभा सदस्य गोकर्ण विष्टले पुसभित्रै नयाँ सरकार गठनको संभावना सकिएको बताएका छन् ।
गुल्मी सदरमुकाम तम्घासस्थित रेसुुङ्गा वहुमुखी क्याम्पसको ३५ औँ वार्षिकोत्सवको उद्घाटन समारोहमा बोल्दै नेता विष्टले यस्तो बताएका हुन् ।
निर्वाचन आयोगले प्रतिनिधिसभातर्फको समानुपातिकको परिणाम घोषणा गरेपछि मात्र नयाँ सरकारको ढोका खुल्ने उनले बताए ।
‘एमाले र माओवादी केन्द्रबीच पार्टी एकताका लागि पटक-पटक संवाद भइरहेको छ’, उनले भने, ‘पार्टी एकताका विषयमा कसैले शंका गर्नु पर्दैन एकता भएरै छाड्छ ।’ शान्तिका अग्रदूत गौतमबुद्ध जन्मेको प्रदेशको राजधानी रुपन्देही नै हुनुपर्नेमा उनले जोड दिए ।
