काठमाडौं । गुण एयरलाइन्सका सम्पूर्ण उडान बन्द हुने भएका छन् ।
पाइलट र क्रु मेम्बरलाई तलब नदिएपछि हवाई सुरक्षामा गम्भीर असर पर्ने भन्दै नागरिक उड्डयन प्राधिकरणले सबै उडान बन्द गर्न निर्देशन दिएको हो ।
अर्को सुचना नआउँदासम्म हालका लागि गुण एयरका सबै जहाज ग्राउन्डेड गर्न प्रधिकरणले सोमबार पत्र पठाएको हो ।
गुण एयरलाइन्सले पोखरा, विराटनगर, तुम्लिङटार, भैरहवा, भरतपुर, सिमरा, सुर्खेत, जनकपुर र नेपालगञ्ज उडान गर्दै आएको थियो ।
