काठमाडौं, ८ फागुन । क्रिकेटर सन्दीप लामिछानेले राष्ट्रिय टिमबाट विदेशमा खेल्न पाउनुुपर्ने माग गर्दै सर्वोच्च अदालतमा दिएको पुनरावेदनको १२ गते पेशी तोकिएको छ । सन्दीपले पाटन उच्च अदालतको फैसलाविरुद्ध सर्वोच्चमा पुनरावेदन गरेका थिए । राष्ट्रिय टिमबाट विदेशमा खेल्न सर्वोच्चको फैसलाले अवरोध गरेसँगै उनले एकसाता अघि पुनरावेदन गरेका हुन् ।
काठमाडौं जिल्ला अदालतले सन्दीपलाई जेलमै राखेर पुर्पक्ष गर्ने आदेश दिएपछि उनी सो फैसलाको विरुद्ध पाटन उच्च अदालतमा पुनरावेदन गरेका थिए । उच्च अदालतको आदेशसँगै सन्दीप २० लाख रुपैयाँ धरौटीमा रिहा भएका थिए । तर उनलाई विदेश जान भने रोक लगाइएको छ । उनको पुनरावेदनमा फागुन १२ गतेलाई पेसी तोकिएको छ ।
