काठमाडौं, २६ माघ । नेकपा माओवादी केन्द्रको केन्द्रीय समितिको बैठक आज बस्ने भएको छ । स्थायी समितिको बैठकले २२ सदस्यीय पदाधिकारीको टुंगो लगाएलगत्तै केन्द्रीय समितिको बैठक बोलाएको हो ।
आज साझ ५ बजे बोलाइएको बैठक भर्चुअल माध्यमबाट हुने जनाइएको छ । पार्टीले केन्द्रीय सदस्यहरुलाई जुम आइडीसमेत पठाएको छ ।
बैठकलाई अध्यक्ष पुष्पकमल दाहाल प्रचण्डले सम्बोधन गर्ने र स्थायी कमिटी सदस्य र पोलिटब्युरो सदस्यलाई केन्द्रीय विभागको विभागीय जिम्मेवारी तोकेको घोषणा गर्ने कार्यसूची रहेको छ ।
