काठमाडौं । नेपाली चलचित्र ह्यारी की प्यारीको प्रिमियर शो भएको छ ।
मंगलवार काठमाडौंको एक हलमा फिल्मको प्रिमियर शो भएको हो । प्रिमियर शोपछि सञ्चारकर्मीहरुसँग कुरा गर्दै फिल्म निर्देशक डा.कपिल रिजालले आगामी दिनमा चलचित्र क्षेत्रलाई झनै राम्रो दिने र आफ्नो ब्यानरबाट फिल्म बनाउने कुरामा निरन्तरता दिइरहने बताउनु भयो । उहाँले फिल्म आफूले सानो कोशिस गरेको र सबैले साथ दिनुहुनेमा विश्वस्त रहेको बताउनु भयो । फिल्म हेरिसकेपछि सञ्चारकर्मी टिकाराम यात्रीले चलचित्रले समग्रमा समयले, समाज, संगत र पर्यावरणले गराएको रुपान्तरणलाई देखाइएको बताउनु भयो । उहाँले चलचित्र नविनतम कथावस्तुमा बनेको बताउनु भयो ।
त्यस्तै कलाकार केदार घिमिरेले चलचित्र एकदमै उत्कृष्ट बनेको बताउनु भयो । उहाँले चलचित्र अभिनय र कथावस्तुका हिसावले राम्रो भएको बताउनु भयो । त्यस्तै वरिष्ठ कलाकाकर सन्तोष पन्तले चलचित्रमा बनाइएको हिरो मनको हिरो रहेको बताउनु भयो ।
उहाँले चलचित्रमा कलाकारको अभिनय पनि उत्कृष्ट रहेको बताउनु भयो । त्यस्तै कलाकार दीपाश्री निरौलाले नेपाली चलचित्रमा यस्ता राम्रा चलचित्र बने नेपाली चलचित्रले नै जरो गाड्ने बताउनु भयो । उहाँले चलचित्रले आफूलाई रुहाएको बताउनु भयो । उहाँले कथाले सबैको मन जित्ने बताउनु भयो । त्यस्तै कलाकार दीपकराज गिरीले चलचित्रको विषयवस्तु र अभिनयले मन छोएको बताउनु भयो । त्यस्तै कलाकार हिमेश पन्तले चलचित्रमा सबै विषयवस्तुहरु समेटिएकाले उत्कृष्ट रहेको बताउनु भयो । त्यस्तै अभिनेत्री साम्रज्ञीराज्यलक्ष्मी शाहले चलचित्र हेर्दा आफू धेरै नै खुशी लागेको र चलचत्रि सबै दर्शकले मन पराउनेमा विश्वस्त रहेको बताउनु भयो । त्यस्तै कलाकार जितु नेपालले आफूलाई चलचित्र हेरिसकेपछि आएको प्रतिक्रियाबाट धेरै नै खुशी लागेको बताउनु भयो ।
त्यस्तै कलाकार प्रकाश सुवेदीले चलचित्र हेर्न बसेपछि उठ्नै नसकेको बताउनु भयो । उहाँले चलचित्रले दर्शकलाई बाँधेको बताउँदै दर्शकले धेरै नै राम्रोसँग मनोरञ्जन लिनसक्ने बताउनु भयो । त्यस्तै वरिष्ठ कलाकार किरण केसीले चलचित्र उत्कृष्ट रहेकाले दर्शकले अत्याधिक मन पराउनेमा विश्वस्त रहेको बताउनु भयो । उहाँले निर्देशक रिजाल फिल्म क्षेत्रको लागि आवश्यक पात्र भएको बताउनु भयो । त्यस्तै अग्रज कलाकार मदनकृष्ण श्रेष्ठले फिल्म नराम्रो भएपनि राम्रै भन्नुपर्ने होला भन्ने सोच बनाएर आएको भएपनि सोचेको भन्दा धेरै राम्रो रहेको बताउनु भयो । त्यस्तै कलाकार त्यस्तै वरिष्ठ कलाकार शिवहरि पौडेलले चलचित्र र चलचित्रमा कलाकारको अभिनय हेर्दा जित ु र साम्राज्ञीको जोडी एकदमै उत्कृष्ट रहेको र पहिलो पटक राम्रो सिने जोडी फिल्म क्षेत्रले पाएको बताउनु भयो । त्यस्तै अभिनेता रमेश उप्रेतीले फिल्म एकदमै उत्कृष्ट रहेको र सन्देशमुलक फिल्म रहेको बताउनु भयो । उहाँले फिल्ममा समसामयिक विषयवस्तुलाई उठाइएको बताउनु भयो ।
चलचित्र ह्यारी की प्यारी माघ २० गतेबाट देशभर प्रदर्शन हुँदैछ । चलचित्र ह्यारी की प्यारीमा अभिनेता जितु नेपाल, अभिनेत्री साम्राज्ञी राज्यलक्ष्मी शाहसहित सिनेमामा विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समीक्षा पौडेल, रमेश अधिकारी, डिल्लीराम खनालको अभिनय रहेको छ । सिनेमामा अभिनेत्री रेखा थापाको विशेष भुमिका रहेको छ । डा. कपिल रिजालको प्रश्तुति रहेको सिनेमामा रिजाल स्वयंमको कथा तथा निर्देशन, पटकथा र संवाद सुदीप बराल, गिरीराज घिमिरे, डाक्टर रिजाल, अभिमन्यु निरवीले लेखेका हुन् ।
दन्त चिकित्सक डा. कपिल रिजालले यही सिनेमाबाट निर्देशनमा डेब्यु गर्नुभएको हो । सिनेमामा डा. भोला रिजालको गीत र रचना, शिखर सन्तोष र युग भुषालको संगीत, सपनकुमार राई, सौभर दास, थोम्सन एन्ड्रयुज, मीना निरौला र देवाञ्जली जोशीको गायन र कविराज गहतराजको कोरियाग्राफी रहेको छ । सुदीप बरालको छायांकन गरेको सिनेमालाई अर्जुन जिसीले सम्पादन गरेका हुन् ।
