एजेन्सी ।रुस र युक्रेनबीचको युद्ध सुरु भएदेखि नै नाटोले हतियार पठाउनेलगायत थुप्रै तरिकामा कीभलाई सहयोग गरेको गर्दै आएको छ । अहिले नाटोका महासचिव जेन्स स्टोल्टनबर्गले युक्रेनलाई सैन्य सहयोग बढाउन दक्षिण कोरियालाई अपिल गरेका छन् ।
स्टोल्टनबर्गल हाल सियोलमा छन् । उनको भ्रमणको मुख्य उद्देश्य युक्रेनमा युद्ध र चीनसँग बढ्दो प्रतिस्पर्धाको बेला अमेरिकी सहयोगीहरूसँगको सम्बन्धलाई बलियो बनाउनु रहेको छ। सियोलको ची इन्स्टिच्युट फर एडभान्स्ड स्टडीजमा, स्टोल्टेनबर्गले युक्रेनलाई सहयोग गरेकोमा दक्षिण कोरियालाई धन्यवाद दिए । यसलाई अझै बढाउन पनि आग्रह गरे । उनले युक्रेनलाई यो युद्धमा गोलाबारुदको तत्काल आवश्यकता रहेको बताए । उही समयमा, रुसले आफ्नो आक्रमणलाई “विशेष अपरेशन“ को रूपमा वर्णन गरिरहेको छ। नाटोका महासचिवले थप भने कि उनीहरूले दक्षिण कोरियालाई युक्रेनलाई सैन्य सहयोगको विशेष मुद्दामा कारबाही गर्न आग्रह गरेका छन्।
स्टोल्टेनबर्गले भने,‘अन्ततः यो दक्षिण कोरियामा निर्भर छ कि युक्रेनलाई सैन्य सहायता प्रदान गर्ने कि छैन, तर थपे कि धेरै नाटो सहयोगीहरूले अब त्यो नीति परिवर्तन गरेका छन्। जसमा द्वन्द्वका बेला देशमा हतियार निर्यात नगर्ने नीति बनाइएको थियो ।’
दक्षिण कोरियाले युद्ध सुरु भएदेखि नै नेटो सदस्य पोल्याण्डलाई सयौं ट्याङ्क, विमान र अन्य हतियार उपलब्ध गराउने प्रमुख सम्झौतामा हस्ताक्षर गरेको छ। तर दक्षिण कोरियाका राष्ट्रपति युन सुक–योलले भने आफ्नो कानून द्वन्द्वमा परेका देशहरूलाई हतियार उपलब्ध गराउने विरुद्ध रहेको बताएका छन्। जसका कारण युक्रेनलाई हतियार आपूर्ति गर्न कठिन भएको छ । यसका लागि स्टोल्टनबर्गले जर्मनी, स्वीडेन र नर्वे जस्ता देशको पनि यस्तै नीति थिए तर परिवर्तन गरिएको बताए ।
