काठमाडौं, ११ पुस । प्रधानमन्त्री एवम् नेपाली काँग्रेसका सभापति शेरबहादुर देउवाले आफू नयाँ सरकारलाई सत्ता हस्तान्तरण गर्न आतुर रहेको बताएका छन् ।
प्रधानमन्त्री देउवाले संवैधानिक प्रक्रिया पूरा गरी नयाँ सरकारलाई सत्ता हस्तान्तरण गर्न आफू केन्द्रित भएको स्पष्ट पारे । चितवनको सौराहामा मंगलबार आयोजित १४ औं चितवन हात्ती महोत्सवको उदघाटन कार्यक्रममा बोल्दै प्रधानमन्त्री देउवाले काग्रेंस नेतृत्वको सरकारले प्रदेश र संघको निर्वाचन गराउन सफल भएकोमा खुशी व्यक्त गरे ।
प्रधानमन्त्री देउवाले लोकतन्त्रको सुदृढिकरण गरी मुलुकको समग्र विकास गर्न नेपाली काँग्रेस लागि परेको बताए ।
