काठमाडौं । भारतको उत्तराखण्ड राज्यको जोशीमठ सहरका घर र सडकमा ठूला धाजा देखिएपछि दर्जनौं परिवारलाई विस्थापित गरिएको छ ।
बिस्तारै जमिन डुब्दै जाँदा हालसम्म ६ सय भन्दा बढी घरमा दरार देखिएको छ । हालसम्म करिब ६८ परिवारलाई सुरक्षित स्थानमा होटल र गेस्ट हाउसमा बनाइएको अस्थायी आश्रयमा सारिएको छ ।
अधिकारीहरूले उनीहरूले प्रभावित परिवारहरूलाई सुख्खा रासन आपूर्ति र आर्थिक सहयोग उपलब्ध गराएको बताएका छन् ।
सङ्घीय सरकारका दुई टोली घटनास्थलको मूल्याङ्कन गर्न सहरतर्फ गइरहेका छन् । पारिस्थितिक रूपमा कमजोर हिमाली क्षेत्रमा अवस्थित जोशीमठका बासिन्दाहरूले बस्तीमा दरार आएको भन्दै महिनौंदेखि चिन्ता व्यक्त गर्दै आएका थिए तर पछिल्लो समय दरार बढ्न थालेको हो ।
विज्ञहरुको टोलीले गत साता जोशीमठको भ्रमण गरी सरकारलाई प्रतिवेदन बुझाएको थियो । यो प्रतिवेदन अझै सार्वजनिक गरिएको छैन, तर एउटा प्रतिलिपि पहुँच गर्ने द टाइम्स अफ इन्डिया अखबारले रिपोर्ट गरेको छ कि प्यानलले “अधिकतम क्षति“ भएका घरहरूलाई भत्काउन सिफारिस गरेको थियो।
जोशीमठको कम्तिमा २५ प्रतिशत क्षेत्र जमिन डुबानमा परेको जनाइएको छ ।
यो समस्या दशकौं अघिको हो । सन् १९७६ मा पनि जोशीमठमा जग्गा डुब्ने जोखिमका बासिन्दाले घरमा चिरा परेको गुनासो गरेपछि सरकारी समितिले झण्डा लगाएको थियो ।
