काठमाडौं । नेकपा (माओवादी केन्द्र)को गण्डकी प्रदेश संसदीय दलको नेता हरिबहादुर चुमान बन्ने भएका छन् ।
शनिबार र आइतबार बिहान बसेको माओवादीको प्रदेश कमिटीको बैठकले चुमानलाई सर्वसम्मत दलको नेता बनाउने निर्णय गरेको हो ।
महासचिव देव गुरुङ निकट मानिने चुमान यसअघि पनि संसदीय दलको नेता थिए । उनी गण्डकी प्रदेश सरकारको आन्तरिक मामिला तथा कानुनमन्त्री भएका थिए ।
उक्त प्रदेशमा माओवादीले गत मंसिर ४ गते सम्पन्न भएको निर्वाचनमा ८ सिटमा मात्र विजयी हासिल गरेपनि सो प्रदेशमा माओवादी निर्णायक शक्ति बनेको छ ।
प्रदेश सरकार गठन गर्न नेपाली कांग्रेसालाई थोरै सांसद भए पुग्छ भने सत्ता गठबन्धनतीर एमालेका २२, माओवादीका ८ र राप्रपाका २ सांसद मिल्नु आवश्यक देखिन्छ ।
