काठमाडौं । केन्द्रीय सुरक्षा समितिको पहिलो बैठक सम्पन्न भएको छ ।
उपप्रधान तथा गृह मन्त्री रवि लामिछानेले सोमबार पदभार ग्रहण गरेसँगै सुरक्षा निकायका प्रमुखहरुलाई बैठकका लागि डाँकेका हुन् ।
बैठकमा गृहमन्त्री लामिछानेले सुरक्षा निकायका प्रमुखहरुसँग समसामयिक विषयमा सबै अपडेट लिएको गृहमन्त्रीका स्वकिय सचिव दिपक बोहोराले जानकारी दिए ।
बैठकमा गृहमन्त्रालयमा नेपाली सेनाका रथी, नेपाल प्रहरी, सशस्त्र प्रहरी र राष्ट्रिय अनुसन्धान विभागका प्रमुख, गृहसचिव विनोदप्रकाश सिंह र सहसचिव फणिन्द्रमणि पोखरेल उपस्थित थिए ।
