तेह्रथुम। तेह्रथुमको छथर गाउँपालिका-२ फयाकमा रहेको शारदा माध्यमिक विद्यालयमा अध्ययनरत पूर्वविद्यार्थीले अक्षयकोष स्थापना गरेका छन् । विभिन्न स्थानमा रहेका विद्यार्थीहरूको सक्रियतामा अक्षयकोष स्थापना गरिएको हो । बुधबार छथर गाउँपालिका-२ खैरेनीका किरण लिम्बूले ५१ हजार, छथर गाउँपालिका-२ हाल काठमाडौं- ३२ पेप्सीकोला निवासी निर्मला खनालबाट ५१ सय, छथर गाउँपालिका-२ खैरेनीका देबिन्द्र लिम्बूबाट १४ गरी गरी जम्मा ५७ हजार पाँच सय रुपैयाँ विद्यालयका प्रधानध्यापक बाेधबहादुर निरौलालाई हस्तान्तरण गरेका छन् । किरणका बुवा वीरबहादुर लिम्बूले प्रधानध्यापक निरौलालाई रकम हस्तान्तरण गरेका थिए । विद्यालयमा अध्ययन गर्ने विपन्न तथा जेहेन्दार र उत्कृष्ट अंक ल्याउने विद्यार्थीलाई छात्रवृत्ति प्रदान गर्ने उद्देश्यका अक्षयकोष स्थापना सुरु गरिएको हो ।
अक्षयकोषमा पाँच हजारभन्दा बढी सहयोग गर्ने दाताहरूको नाम शिलालेखमा समाबेश गरिने भएको छ।
