काठमाण्डौँ, १९ मंसिर । राष्ट्रपति विद्यादेवी भण्डारीले प्रतिनिधि र प्रदेशसभा निर्वाचनमा मतदान नगर्ने भएकी छिन् ।
राष्ट्रपति कार्यालयले मंसिर २१ मा हुने प्रतिनिधि र प्रदेशसभा निर्वाचनमा राष्ट्रपति विद्यादेवी भण्डारीले मतदान नगर्ने जनाएको छ।
राष्ट्रपति राजनीतिक दलभन्दा माथि भएकाले मतदान नगर्ने राष्ट्रपतिका स्वकीय सचिव शिव भट्टराईले बताए । राष्ट्रपति भण्डारीको काठमाडौं क्षेत्र नम्बर ४ को चपली मतदान केन्द्रमा मतदाता सूचीमा नाम छ।
प्रतिनिधि र प्रदेशसभाको पहिलो चरणको निर्वाचनमा उपराष्ट्रपति नन्दबहादुर पुनले पनि मतदान गरेनन् ।
