काठमाडौं । आज दिउँसो मन्त्रिपरिषद्को बैठक बस्दै छ ।
बैठकमा सरकारले विवादमा मुछिएका ओमान र यूएईका लागि प्रस्तावित राजदूतको नाम फिर्ता लिने तयारी गरेको छ । मन्त्रिपरिषद्को बैठक दिउँसो २ बजे पछि बोलाइएको छ ।
बैठकले राजदूतको सिफारिस फिर्ता लिएर नयाँ नाम सिफारिस गर्ने छ । सरकाले कांग्रेसको कोटाबाट यूएईका लागि नेपाली राजदूतमा आशाकुमारी लामा र फोरम लोकतान्त्रिकको कोटाबाट ओमानका लागि राजदूतमा शर्मिला पराजुली ढकाललाई सिफारिस गरेको थियो ।
तर, दुबै राजदूत म्यानपावर व्यवसायमा संलग्न भएको लगायतका विवादमा मुछिएपछि सरकारले उनीहरुको नाम फिर्ता लिने भएको हो । अन्य १२ जनाको राजदूत सिफारिस भने कायमै रहनेछ ।
