काठमाडौँ, ११ मंसिर। आइतबार सिरहामा ड्यूटी गरिरहेका प्रहरीमाथि गोली प्रहार गर्ने तीन जना पक्राउ परेका छन्। नियमित चेकजाँचमा रहेका प्रहरीमाथि गोली प्रहार गरी भाग्दै गरेका शिव रोए, मनोज रोए र सुरेन्द्र रोएलाई गएराती प्रहरीले पक्राउ गरेको हो।
उनीहरुले चलाएको गोली लागेर प्रहरी जवान मागेराम यादव र म्यादी प्रहरी आदर्श यादव गम्भीर घाइते भएका थिए। घाइते दुबैजनालाई उपचारका लागि काठमाडौं ल्याइएको छ।
