८ फागुन काठमाडौं । कञ्चनपुरमा जारी १० औं सुदुरपश्चिमाञ्चल औद्योगिक व्यापार मेला तथा कञ्चनपुर पर्यटन महोत्सवमा मदिराको प्रचारप्रसार गरेको भन्दै विद्यार्थीहरुले विरोध गरेका छन् ।
महोत्सवमा खुला रुपमा मदिराको प्रचारप्रसार हुँदा त्यसले नकारात्मक सन्देश दिएको भन्दै विभिन्न विद्यार्थी संगठनहरुले विरोध जनाएका हुन । उनीहरुले तत्काल मदिराजन्य पदार्थको प्रचारप्रसार बन्द गर्न माग गरेका छन् ।
साथै महोत्सवमा चर्को मुल्यमा टिकेटको विक्री वितरण भईरहेको तथा आयोजकले आफन्तहरुलाई मनलागी रुपमा पास वितरण गरेको भन्दै विद्यार्थीहरुले आयोजकको ध्यानाकर्षण समेत गराएका छन् ।
विद्यार्थिहरुले टिकट काउन्टर नजिक रहेका मदिराजन्य पदार्थको ब्यानर च्यातेका छन् भने वैकल्पीक व्यवस्था नअपनाए महोत्सव नै ठप्प पार्ने चेतावनी दिएका छन् ।
