काठमाण्डौँ, २८ कार्तिक । नेकपा एमालेका वरिष्ठ नेता माधवकुमार नेपालले कांग्रेसको लोकतन्त्रमा रुन मात्र पाईने भन्दै कम्युनिष्टहरुको लोकतन्त्रमा हास्न र रमाउन पाईने जिकिर गरेका छन् ।
माउण्टेन टेलिभिजनको ‘राजनीति’ कार्यक्रममा बोल्दै उनले कम्युनिष्टहरुमा मानवियता हुने भन्दै रुनेहरुको आँसु पुछ्ने काम गर्ने नेता नेपालले बताएका छन् । ‘कम्युनिष्टहरुले बुढापाकाहरुलाई मार्छन्’ भन्ने झुटो प्रचार शैली गरेर कांग्रेसले जनता सामु आफ्नै बदनाम गरेको पनि उनले बताए ।
प्रधानमन्त्री तथा कांग्रेस सभापति शेरबहादुर देउवालाई जनताले पत्याउन छाडिसकेको आरोप लगाउँदै स्थानीय तहको निर्वाचनको परिणामबाटै अब कांग्रेसको भविश्य नभएको प्रष्ट रहेको उनले बताए । जनताको सामु झुटो प्रचार गर्ने होइन बरु गल्ती भयो, माफ पाउँ भनेर जनता सामु जान पनि देउवालाई नेता नेपालले आग्रह गरे ।
