रामचन्द्र अर्याल/प्रतिक्षा शर्मा, काठमाडौं
प्रधानमन्त्री पुष्पकमल दाहालको आह्वानमा बसेको सत्तारुढ कांग्रेस सहित मधेसी मोर्चाको बैठक विना निश्कर्ष टुंगिएको छ ।
सोमबार प्रधानमन्त्री निवास बालुवाटारमा बसेको बैठक बिना निश्कर्ष टुंगिएको हो ।
बैठकमा मधेसी मोर्चाका नेताहरुले संविधान संशोधन विधेयक पास भएपछि मात्रै निर्वाचनमो मिति घोषणा गर्न सरकारलाई आग्रह गरेका थिए ।
सरकारले भने चुनावसँग सम्बन्धित सबै विधेयकसंसदबाट पारित भएपछि बुधबारसम्ममा मिति घोषणा गर्ने तयारी गरिएको जानकारी दिएको थियो ।
मिति घोषणाअघि सरकारले असन्तुष्ट मधेसी मोर्चालाई सहमतिमा ल्याउन गरेको प्रयास असफल भएपछि बैठक फेरि बस्ने गरि सकिएको थियो ।
एमालेले भने पहिले चुनावको मिति घोषणा गर्नुपर्ने बताउँदै आएकाले सरकार दोहोरो संकटमा परेको छ मोर्चालाई सहमतिमा ल्याएरै चुनावको मिति घोषणा गर्ने प्रधानमन्त्रीको प्रयास छ ।
मुख्य दलहरुबिच माघ १५ गतेभित्रै स्थानीय तहको चुनावको मिति घोषणा गर्ने समझदारी भएको थियो । तर मधेसी मोर्चाको बिरोध र चुनावसम्बन्धी विधेयक पास नहुँदा मिति घोषणा हुन सकेको छैन ।
