काठमाडौं । इजिप्ट समूह ‘डी’ को विजेताको रुपमा गाबोनमा जारी अफ्रिका कप अफ नेशनसको क्वाटरफाइनलमा प्रवेश गरेको छ ।
बुधबार राति भएको समूह चरणको अन्तिम खेलमा घानालाई १–० ले हराउँदै इजिप्ट समूह विजेताको रुपमा अन्तिम ८ मा पुगेको हो ।
इजिप्टको जितमा ११ औं मिनेटमा मोहम्मद सालहले गरेको गोल नै निर्णायक बन्यो । पराजित भएपनि घाना पनि समूह उपविजेताको रुपमा अन्तिम ८ मा पुगेको छ ।
समूह विजेता बनेको इजिप्टको सात तथा घानाको ६ अंक भएको छ । राति नै भएको खेलमा प्रतियोगिताबाट बाहिरिएका युगाण्डा र मालीले भने १–१ को बराबरी खेले ।