काठमाडौं, १७ कात्तिक । मेगा बैंकका प्रमुख कार्यकारी अधिकृत अनिल शाहले अब सेञ्चुरी कमर्सियल बैंक सम्हाल्ने भएका छन् । सेञ्चुरी बैंकको सञ्चालक समितिको बिहीबार बसेको बैठकले शाहलाई यस बैंकको सिइओमा नियुक्त गरेको छ ।
सेञ्चुरी बैंकका तत्कालिन कार्यकारी प्रमुख अनुजमणी शर्माले राजीनामा दिएपछि यस बैंकमा रिक्त रहेको सीइओ पदमा शाह नियुक्त भएका छन् ।
शाह मेगा बैंकका संस्थापक सीइओ हुन् । शाहले मेगा बैंकमा दुई कार्यकाल पुरा गरेका छन् । उनले नबिल बैंकबाट बैंकिङ क्षेत्रमा प्रवेश गरेका थिए । शाह स्टान्डर्ड चार्टड बैंकमा पनि काम गरेका थिए ।
