काठमाण्डौँ, १४ कार्तिक । नेपाली मोडलिङ र चलचित्रमा समेत व्यस्त रहेकी नायिका निता ढुंगाना सन फ्रान्सिस्कोमा अन्तर्राष्ट्रिय पुरस्कारबाट सम्मानित भएकी छिन् ।
नेपालमा राष्ट्रिय चलचित्र पुरस्कार समेत प्राप्त गरिसकेकी नायिका निता ढुंगानाले अमेरिकाको क्यालिफोर्निया राज्यको सन् फ्रान्सिस्को शहरमा आयोजित ‘सन फ्रान्सिस्को चलचित्र महोत्सव’मा अवार्ड पाएकी हुन् ।
निताद्वारा अभिनित ऐतिहासिक चलचित्र ‘पञ्चायत’ले ‘बिदेशी भाषाको उत्कृष्ट चलचित्रु विधामा र नायिका निता ढुंगानाले ‘उत्कृष्ट मुख्य अभिनेत्रीु विधामा पुरस्कार जित्न सफल भएको हो ।
नायिका निताले हालसम्म २१ भन्दा बढी चलचित्रहरुमा अभिनय गरिसकेकी छिन् । उनका चर्चित चलचित्रहरु दबाव, छ एकान छ, नोटबुक, मसान, हाम्रो माया जुनी जुनीलाई, निर्भय लगायत पछिल्लो चलचित्र पञ्चायत हुन् ।
पञ्चायतमा किशोरीको भूमिकामा देखिएकी निताको सशक्त अभिनय कै कारण अन्तर्राष्ट्रिय पुरस्कारबाट सम्मान गरिएको हो ।
