सतर्क रहन दार्चुला प्रशासनको आग्रह
वाशुदेव बडू,
दार्चुला । भारत धारचुलाको धौलिगंगा जलविद्युत परियोजनाको बाँध खोलिए संगै महाकाली नदीमा जलस्तर बढेको छ ।
ब्याँस गा.पा. ५ धौलाकोट देखी लेकम गा.पा. को लाली सम्मका नागरिकलाई महाकाली नदी छेउछाउ आसपास नजान र तटिय क्षेत्रमा सतर्कता अपनाउन भनी जिल्ला प्रशासन कार्यालय दार्चुलाले बुधबार सूचना प्रकाशित गरेको थियो ।
एन.एच.पी.सी. लिमिटेड धौलिगंगा पावर स्टेसन धारचुला भारत बाट प्राप्त पत्रानुसार भाद्र १० गते बिहान ७ बजे देखी बेलुकी ७ बजेसम्म सिल्ट फ्लसिङको कार्य हुने भएकोले महाकाली नदी मा जलस्तर बढ्ने र सतर्कता अपनाउन भनी जिल्ला प्रशासन कार्यालय दार्चुलालाई पत्राचार गरेको छ ।
