पर्सा । पर्सा प्रहरीले १ लाख ७९ हजार रुपैयाँ बराबरको सुन र चाँदी मिश्रित गरगहनासहित एक जनालाई पक्राउ गरेको छ ।
पर्साको जगरनाथपुर गाउँपालिका वडा नम्बर २ जानकीटोलका सोनुकुमार सोनारलाई गरगहना सहित प्रहरीले पक्राउ गरेको हो ।
कालो झोला बोकेर आउँदै गरेका सोनारलाई रोकेर चेकजाँच गर्दा सुन मिश्रित ३४ थान र चाँदीको पाउजु, बिछिया लगायत २ सय ६३ थान गहना फेला परेपछि उनलाई नियन्त्रणमा लिइएको इलाका प्रहरी कार्यालय पोखरियाका प्रहरी निरीक्षक दीपक थापाले जानकारी दिए ।
