पर्सा । आईटी आर्मी पर्साका अध्यक्षमा गौरव सन्तोष पटेल चयन भएका छन् । आईटी आर्मी पर्साको प्रथम भेलाले पटेललाई अध्यक्षमा चयन गरेको हो ।
शुक्रबार वीरगन्जको होटेल पदम पार्टीमा आयोजित प्रथम जिल्ला भेलामा पटेललाई पूर्वमन्त्री प्रभु साहले आईटी आर्मी पर्साका अध्यक्षमा चयन गरेका हुन् ।
भेलालाई सम्बोधन गर्दै पूर्वमन्त्री साहले आईटी आर्मीले मुलुकमा ब्याप्त दुराचार, भ्रष्टाचार, बेथितीको विरुद्ध संघर्ष गर्दै विद्यमान राजनीतिक संकटको सामना गर्ने दिशामा महत्वपूर्ण भूमिका खेल्ने बताएका छन् ।
साहले वर्तमान अस्पष्ट व्यवस्थाले मच्चाएको अस्थिरता र अराजता तथा सामन्तवादको बाँकी रहेको अवशेषले समाजमा फैलाएको भ्रमलाई निस्तेज गर्ने कार्यमा समेत आईटी आर्मी सफल हुने बताए ।
