काठमाडौं । नेपाल कम्युनिष्ट पार्टी एमालेको स्थायी कमिटी बैठक आज डाकिएको छ ।
तुलसीलाल स्मृति भवन च्यासलमा आज दिउँसो ३ बजे बस्ने गरी बैठक डाकिएको हो । आजको बैठकले पार्टीको केन्द्रीय विभागहरुलाई पूर्णता दिने तयारी गरेको छ ।
बैठकमा विधान अधिवेशनको तयारीका लागि समितिहरु गठन गर्ने, विधान अधिवेशन यसै महिनाको अन्तिममा गर्ने तयारी गरे पनि केही दिन पछाडि सर्ने सम्भावना रहेको बताइएको छ ।
पार्टी सदस्यता र नवीकरणको तथा वितरणको विषयमा पनि छलफल हुने जनाइएको छ । कार्यालय सचिव शेरबहादुर तामाङका अनुसार बैठकमा उपस्थित हुन नेपाल पक्षलाई पनि खबर गरिएको छ । तर नेपालपक्ष बैठकमा नजाने भएको छ ।
