काठमाण्डौँ, ९ कार्तिक । पूर्व प्रधानमन्त्री डा. बाबुराम भट्टराईले निर्वाचनका लागि सामाजिक सञ्जाल फेसबुक मार्फत आर्थिक सहयोग गर्न आह्वान गरेका छन् ।
एक पटक सफल अर्थमन्त्री समेत भईसकेका नयाँ शक्तिका संयोजक भट्टराईले निर्वाचन खर्च नभएपछि आर्थिक अभियान थालेका हुन् ।
निर्वाचनलाई मितव्ययी, स्वच्छ र पारदर्शी बनाउन खुला स्वेच्छिक आर्थिक सहयोगको आग्रह गरेको भट्टराईले फेसबुकमा लेखेका छन् । उनले लेखेका छन्– ‘म अपारदर्शी लगानी होईन, तपाइहरुको खुला स्वैच्छिक सहयोग चाहन्छु’ ।
रकम जम्मा गरिदिन ग्लोबल आईएमई बैंक कान्तिपथ, काठमाडौं शाखाको खाता नम्बर र स्विफ्ट कोडसमेत दिएका छन् ।
डा.भट्टराई कांग्रेसको सहयोगमा गृहजिल्ला गोरखाको क्षेत्र नं. २ बाट चुनाव लड्नेछन् । उनको प्रतिस्पर्धा वाम गठबन्धनका उम्मेदवार नारायणकाजी श्रेष्ठसँग हुने भएकाले त्यस क्षेत्रको निर्वाचनलाई रोचक रुपमा हेरिएको छ ।
