असिम पौडेल,
पोखरा । पोखराको मालेपाटनमा मिनी ट्रकको ठक्करबाट एकजना महिला मूत्यु भएको छ । मृत्यु हुनेमा पोखरा महानगरपालिका वडा नं- १७ घारीपाटन बस्दै आएकी ४० वर्षीय रीता केसी रहेकी छन् ।
मृतक केसीको टाउको र शरीरका विभिन्न भागमा चोट लागेको थियो । गम्भीर घाईते केसीको पोखराको सृजनचोक स्थित मेट्रोसिटी अस्पतालमा उपचारको क्रममा आज बिहान मृत्यु भएको हो ।
बागलुङ बसपार्कबाट जिरो किमीतर्फ जाँदै गरेको ग १ ख ९७०३ नं.को मिनी ट्रकले पैदलयात्रामा रहेकी केसीलाई ठक्कर दिंदा दुर्घटना हुन पुगेको प्रहरीको जानकारी दिए ।
ट्रक र चालक नुवाकोटका २८ वर्षका सोमबहादुर तामाङलाई प्रहरीले नियन्त्रणमा लिएर अनुसन्धान अगाडि बढाएको प्रहरीले जानकारी दिए ।
