पोखरा । नेपाली कांग्रेसका नेता तथा गण्डकी प्रदेशका मुख्यमन्त्री कृष्णचन्द्र नेपालीले लगातारको वर्षाका कारण मनाङमा भएको क्षतिप्रति दुख प्रकट गर्दै तत्काल उद्धार र राहतका लागि स्थानीय प्रशासनलाई निर्देशन दिएको छ ।
मुख्यमन्त्री नेपालीले मनाङका प्रमुख जिल्ला अधिकारी विष्णु लामिछाने र डिएसपी सुवास खड्कालाई मंगलबार टेलिफोन गरी मस्र्याङ्दी नदीमा आएको बाढीका कारण डुबानमा तालगाउँका बासिन्दालाई तत्काल उद्धार गरी सुरक्षित स्थानमा राख्न र उनीहरुलाई वसोवासको प्रबन्ध गर्न आग्रह गरेका थिए ।
उद्धार राहतका लागि तत्कालको प्रबन्ध गर्न निर्देशन दिँदै उहाँले आवश्यक परेमा खाध्य सामग्री र रकम प्रदेश सरकारले उपलब्ध गराउने बताए । मुख्यमन्त्री नेपालीले अबका केही दिन लगातार वर्षा हुने र गण्डकी प्रदेशका जिल्लाहरुमा त्यसबाट प्रभावित हुने जलवायु तथा मौसम विज्ञान विभागले प्रक्षेपण गरेकाले सतर्क भएर रहन पनि प्रदेशवासीमा आग्रह गरेको छ ।
