रामेछाप। रामेछापको दोरम्वा गाउँपालिकाको मिल्ती खोलामा निमार्ण भएको मिल्ती लघु जल विद्युत आयोजना बाह्र बर्ष देखी प्रयोग बिहिन अवस्थामा रहेको छ । दोलखा र रामेछापको सिमानामा पर्ने डडुवाको मिल्तीखोलामा निमार्ण भएको १६ किलोवाट क्षमताको लघु जल विद्युत आयोजना रकम अभावको कारण बाह्र बर्षदेखी अलपत्र परेको हो ।
विजुली वत्ती नहुँदा दोरम्वा गाउँपालिका वडा नं.–१ डडुवा मेघ्रेका ८० घरधुरीले २ हजार रुपैयाँ उठाएका थिए । बाँकी अपुग रकम वैकल्पीक उर्जा प्रालिवाट २४ लाख रुपैया र तत्कालीन डडुवा गाविसको कार्यालयवाट प्राप्त ४ लाख रुपैयाँ गरी २९ लाख ६० हजार रुपैयाँ खर्चेका थिए ।
स्थानियहरुले अपुग रकम लघुवित्त विकास संस्थान बाट २४ लाख रुपैयाँ ऋण लिएर २०६५ सालमा विजुली बत्ती बालेका थिए । स्थानिय उपभोक्ताहरुले मासिक १ सयका दरले शुल्क उठाएर विजुली बत्ती बालेका थिए ।
स्थानिय ८० घरधुरीले उठाएको रकमले विद्युत स्टेशनमा बस्ने कर्मचारीलाईतलब खुवाउन मात्रै रकमपुग्ने र अन्य मर्मत सम्भारको लागि रकम अभाव हुँदा उक्त आयोजना पूर्णरुपमा बन्द हुन पुगेको हो ।
