एजेन्सी । टोकियो ओलम्पिक आयोजक समितिले जुलाईको अन्तिममा हुने ओलम्पिक अब कुनैपनि हालतमा सार्न वा रद्द गर्न नमिल्ने स्पष्ट गरेको छ । टोकियो ओलम्पिक आयोजक सिमितिकी अध्यक्ष शिको हासिमितोले जुलाई २३ बाट सुरु हुने टोकियो ओलम्पिक कुनैपनि हालतमा सार्न वा रद्द गर्न नमिल्ने स्पष्ट गरेका हुन् ।
अझैपनि कोरोनाको संक्रमण कायम रहेका बेला टोकियो ओलम्पिक गर्नका लागि कठिन रहेको विभिन्न निकायले भनिरहेका बेला आयोजक प्रमुखले भने कुनैपनि हालतमा प्रतियोगिता रद्द वा स्थगित गर्न नमिल्ने स्पष्ट गरेका हुन् । कोरोनाका कारण नै एक बर्ष स्थगित भइसकेको ओलम्पिक फेरी गर्न नहुने आवाज उठिरहेको छ ।
यसका लागि जापानमा अनलाईनबाट नै रद्द गर्नुपर्ने अभियान नै जारी रहेको छ । टोकियो ओलम्पिकमा नेपालबाट चार जना खेलाडी सहभागि हुने पक्का भइसकेको छ ।
