काठमाडौँ। वकिलहरुले प्रतिनिधि सभा विघटविरुद्ध सर्वोच्चमा परेका मुद्धाहरुको सुनुवाई गर्नका लागि संवैधानिक इजलास नभइ बृहत् पूर्ण इजलास गठन गर्नुपर्नेमा जोड दिएका छन् ।
प्रधानन्यायाधिस चोलेन्द्र शमशेर राणाले सवै रिटको सुनुवाई संवैधानिक इजलासमा गर्न निर्देशन गरेलगतै वकिलहरुले पूर्ण इजलास गठन गर्न माग गरेका हुन् ।
कानुन व्यवसायीले संसद विघटनसम्बन्धी मुद्दाको सुनुवाइका लागि ११ जनाभन्दा धेरै न्यायाधीशको बृहत् पूर्ण इजलास तत्काल गठन हुनुपर्नेमा जोड दिए ।
बिहीबार बहसका क्रममा अधिवक्ता लोकेन्द्र ओलीले पुन प्रतिनिधिसभा विघटन हुँदा गम्भीर संवैधानिक व्याख्या गर्नुपर्ने भएकाले बृहत् संवैधानिक इजलासले प्रतिनिधिसभा विघटन मुद्दा हेर्नुपर्ने माग गरे ।
गत पुस ५ गते संसद विघटन भएपछि सर्वोच्च अदालतमा दायर भएको मुद्दाको सुनुवाइका क्रममा समेत बृहत् पूर्ण इजलास गठनको माग उठेको थियो।
