धरान । एम्बुलेन्समा १ सय किलो अबैध लागूऔषध गाँजासहित २ जना पक्राउ परेका छन् ।
धनकुटा भेडेटारबाट धरानतर्फ आउँदै गरेको उक्त एम्बुलेन्सलाई प्रहरीले जाँच गर्ने क्रममा गाँजासहित २ जनालाई सोमबार साँझ प्रहरीले पक्राउ गरेको हो ।
पक्राउ पर्नेहरुमा धरान उपमहानगरपालिका -१५ का ३६ वर्षीय बलबहादुर लिम्बु र धनकुटा सहिदभूमि गाउँपालिका- १ का २८ वर्षीय पोशन राई रहेका छन् ।
लागूऔषध मुद्दामा उनीहरुलाई थप अनुसन्धान थालिएको ईलाका प्रहरी कार्यालय धरानले जनाएको छ ।
