भक्तपुुर। काठमाडौं महानगरपालिकाले मध्यपुर थिमी नगरपालिकाद्धारा संचालित नेपाल कोरिया मैत्री नगरपालिका अस्पताललाई तीन थान भेन्टिलेटर मेसिन सहयोग गरेको छ ।
कोरोना भाइरसको महामारीबाट उपत्यका आक्रान्त बनेपछि उपत्यका नगरपालिका साझेदारी कार्यक्रम अन्र्तगत अस्पताललाई संक्रमितको उपचारमा सहजताका लागि भेन्टिलेटर सहयोग गरेको महानगरका प्रमुख विद्यासुन्दर शाक्यले जानकारी दिएका छन् ।
माहामारीको बेला नगरपालिकाले संचालन गरेको अस्पताललाई दिएको सानो सहयोग पनि महत्वपुर्ण रहेको मध्यपुर थिमी नगरपालिकाका प्रमुख मदन सुन्दर श्रेष्ठको भनाई थियो । अस्पतालमा पहिले ७ वटा भेन्टिलेटरको सहायताले संक्रमितको उपचार गरिरहेको र थप तीनवटा भेन्टिलेटर मेसिन सहयोग आएपछि उपचारमा केहि सहजता हुने उनको भनाई छ ।
