एजेन्सी । ब्राजिलमा प्रहरी अप्रेशनका क्रममा भएको गोली हानाहानमा एक सुरक्षाकर्मीसहित २५ जनाको मृत्यु भएको छ ।
राजधानी रियो दि जेनेरियोमा भएको गोली काण्डमा परेर एक प्रहरी अधिकारीसहित २५ जनाको मृत्यु भएको हो । गोली हानहानमा मेट्रो रेलमा सवार दुई यात्रु समेत घाइते भएको अन्तर्राष्ट्रिय संचार माध्यमहरुले जनाएका छन् ।
लागुऔषध तस्करहरुले आफ्नो गिरोहमा बालबालिकाको प्रयोग गरिरहेको गुप्तचर निकायको सूचना पछि प्रहरीले कारबाही गरेको थियो । कारबाहीकाे क्रममा दुवै पक्षबाट गोली हानाहान भएको थियो ।
