काठमाडौं, २२ चैत । बलिवुडका व्यस्त नायक अक्षय कुमार कोरोना संक्रमित भएका छन् । अक्षय कुमारले आइतबार सामाजिक सञ्जाल फेसबुक मार्फत आफू कोरोना संक्रमित भएको जानकारी गराएका हुन् । संक्रमण पुष्टि पश्चात् उनी होम आइसोलेसनमा बसेका छन् ।
चिकित्सकको सल्लाह अनुसार आवश्यक स्वास्थ्य सुरक्षा अपनाएको पनि उनले आफ्नो पोस्टमा उल्लेख गरेका छन् । अक्षयले आफ्नो सम्पर्कमा आएकाहरुलाई पनि आवश्यक सतर्कता अपनाउन तथा कोरोना टेस्ट गर्न आग्रह गरेका छन् ।
